ಮಂಗಳೂರು: ಹಿಂದೂಸ್ತಾನ್ ಯುನಿಲಿವರ್ ಲಿಮಿಟೆಡ್ ಸಂಸ್ಥೆಯು ತನ್ನ ಪ್ರಮುಖ ಪೌಷ್ಟಿಕಾಂಶ ಪಾನೀಯ ಬ್ರ್ಯಾಂಡ್ ‘ಹಾರ್ಲಿಕ್ಸ್’ ಅನ್ನು ಮಂಗಳೂರಿನಲ್ಲಿ ಹೊಸ ರೂಪದಲ್ಲಿ ಬಿಡುಗಡೆ ಮಾಡಿದೆ. ಈ ಹೊಸ ಸೂಪರ್ ಫುಡ್ಸ್ ಹಾರ್ಲಿಕ್ಸ್ ಆವೃತ್ತಿಯನ್ನು ಮೊಳಕೆ ಬರಿಸಿದ ಬಾರ್ಲಿ, ಸಿರಿಧಾನ್ಯಗಳು, ಓಟ್ಸ್ ಮತ್ತು ಬಾದಾಮಿಗಳಂತಹ ಸೂಪರ್ ಫುಡ್ ಗಳ ಮಿಶ್ರಣದಿಂದ ತಯಾರಿಸಲಾಗಿದೆ ಎಂದು ಹಿಂದೂಸ್ತಾನ್ ಯೂನಿಲಿವರ್ ನ ಫುಡ್ಸ್ ಅಂಡ್ ರಿಫ್ರೆಶ್ ಮೆಂಟ್ ವಿಭಾಗದ ಕಾರ್ಯನಿರ್ವಾಹಕ ನಿರ್ದೇಶಕ ರಜನೀತ್ ಕೊಹ್ಲಿ ಹೇಳಿದರು.
ಮಂಗಳೂರು ಸೇರಿದಂತೆ ಎಲ್ಲ ಕಡೆ ಆಧುನಿಕ ಜೀವನಶೈಲಿಯಿಂದ ವ್ಯಕ್ತಿಗಳಿಗೆ ಅಗತ್ಯ ಪೌಷ್ಠಿಕಾಂಶ ಸಿಗುತ್ತಿಲ್ಲ, ಇದಕ್ಕೆ ಪೂರಕವಾಗಿ ಪೌಷ್ಠಿಕಾಂಶ ಒದಗಿಸುವ ನಿಟ್ಟಿನಲ್ಲಿ ಈ ಹೊಸ ಹಾರ್ಲಿಕ್ಸ್ ಸೂಪರ್ ಫುಡ್ಸ್ ಬಿಡುಗಡೆ ಮಾಡಲಾಗಿದೆ ಎಂದು ತಿಳಿಸಿದರು.
ಮಂಗಳೂರಿನಲ್ಲಿ ಹಾರ್ಲಿಕ್ಸ್ ಸೂಪರ್ ಫುಡ್ಸ್ ಬಿಡುಗಡೆ ಮಾಡುವ ಮೂಲಕ, ಈ ಭಾಗದ ಗ್ರಾಹಕರಿಗೆ ಸೂಕ್ತ, ಪೌಷ್ಟಿಕಾಂಶವನ್ನು ನೀಡಲು ಹಾರ್ಲಿಕ್ಸ್ ಅನ್ನು ಹೊಸ ರೂಪದಲ್ಲಿ ಪರಿಚಯಿಸಿದ್ದೇವೆ. ಸೂಪರ್ ಫುಡ್ ಗಳ ಗುಣಮಟ್ಟವನ್ನು ನಮ್ಮದೇ ಆದ ‘ನ್ಯೂಟ್ರಿಮ್ಯಾಕ್ಸ್’ ತಂತ್ರಜ್ಞಾನವನ್ನು ಬಳಸಿಕೊಂಡು ಗ್ರಾಹಕರು ಇಷ್ಟಪಡುವ ಹಳೆಯ ರುಚಿ ಉಳಿಸಿಕೊಂಡೇ ಹೆಚ್ಚು ಪೋಷಕಾಂಶ ಒದಗಿಸುವಂತೆ ಸಿದ್ಧಪಡಿಸಿದ್ದೇವೆ ಎಂದು ತಿಳಿಸಿದರು.
ದಕ್ಷಿಣ ಏಷ್ಯಾ ಯೂನಿಲಿವರ್ ನ ಸಂಶೋಧನೆ ಮತ್ತು ಅಭಿವೃದ್ಧಿ ವಿಭಾಗದ ಮುಖ್ಯಸ್ಥರಾದ ಡಾ. ಸುಜಾತಾ ಜಯರಾಮನ್ ಮಾತನಾಡಿ, “ಹೊಸ ಹಾರ್ಲಿಕ್ಸ್ ಹೆಚ್ಚಿನ ಪೌಷ್ಟಿಕಾಂಶದ ಪ್ರಯೋಜನವನ್ನು ನೀಡುವುದಲ್ಲದೆ, ರೋಗನಿರೋಧಕ ಶಕ್ತಿ, ಬೆಳವಣಿಗೆ ಮತ್ತು ಜ್ಞಾನಗ್ರಹಣದ ಬೆಳವಣಿಗೆ ಸೇರಿ ಒಟ್ಟಾರೆ ಆರೋಗ್ಯ ಪಾಲಿಸಲು ನೆರವಾಗಲಿದೆ ಎಂದು ಹೇಳಿದರು.
ಹೊಸ ಹಾರ್ಲಿಕ್ಸ್ ಈಗ ಅದೇ ಹಳೆಯ ಅದ್ಭುತ ರುಚಿ ಜತೆಗೆ ‘ಜೀರೋ ಆ್ಯಡೆಡ್ ಶುಗರ್’ ಮಾದರಿಯಲ್ಲಿ ಲಭ್ಯವಿದೆ. ‘ಸ್ಮಾರ್ಟ್ ಸ್ವೀಟ್ನೆಸ್’ ತಂತ್ರಜ್ಞಾನದಿಂದ ತಯಾರಾಗಿರುವ ಇದು, ಯಾವುದೇ ಹೆಚ್ಚುವರಿ ಸಕ್ಕರೆ ಅಥವಾ ಕೃತಕ ಸಿಹಿಕಾರಕಗಳನ್ನು ಬಳಸದೆ, ಮೊಳಕೆ ಬರಿಸಿದ ಬಾರ್ಲಿಯಿಂದ ಬರುವ ನೈಸರ್ಗಿಕ ಸಿಹಿಯನ್ನು ಬಳಸಿ ಸಿದ್ಧ ಮಾಡಲಾಗಿದೆ. ಹಾರ್ಲಿಕ್ಸ್ ಸೂಪರ್ ಫುಡ್ಸ್ ಈಗ ‘ಕ್ಲಾಸಿಕ್ ಮಾಲ್ಟ್’ ಸ್ವಾದದಲ್ಲಿ ರೀಟೇಲ್ ಮಳಿಗೆಗಳಲ್ಲಿ ಮತ್ತು ಆನ್ ಲೈನ್ ನಲ್ಲಿ ಕೂಡ ಲಭ್ಯವಿದೆ. ಇದರ ಸಕ್ಕರೆ ರಹಿತ (ಜೀರೋ ಆಡೆಡ್ ಶುಗರ್) ಮಾದರಿ ಆಯ್ದ ಮಾರಾಟ ಮಳಿಗೆಗಳಲ್ಲಿ ಲಭ್ಯವಿದೆ ಎಂದು ತಿಳಿಸಿದರು.
Related posts:
ಕರಾವಳಿ ಡೈಲಿ ನ್ಯೂಸ್ ವೆಬ್ಸೈಟ್ ತಾಂತ್ರಿಕ ದೋಷ – ಇದೀಗ ಮರುಸ್ಥಾಪನೆ
ಮಂಗಳೂರಿನ ಕೆಎಂಸಿ ಆಸ್ಪತ್ರೆಯಲ್ಲಿ ಅಟೋ ಇಮ್ಯೂನ್ ಕಾಯಿಲೆಗೆ ಯಶಸ್ವಿ ಚಿಕಿತ್ಸೆ
ಮಂಗಳೂರು ಕೆಎಂಸಿ ಆಸ್ಪತ್ರೆಯಲ್ಲಿ ಅತ್ಯಾಧುನಿಕ ಹೈಟೆಕ್ ಮಾದರಿಯ ಮ್ಯಾಮೊಗ್ರಾಫಿ ಸೌಲಭ್ಯ: ಡಾ. ಎಚ್ ಎಸ್ ಬಲ್ಲಾಳ
ಕುಡ್ಲದಲ್ಲಿ ರಾಷ್ಟ್ರ ಮಟ್ಟದ ಕ್ಲಾಸಿಕ್ ಪವರ್ ಲಿಫ್ಟಿಂಗ್ ಚಾಂಪಿಯನ್ ಷಿಪ್, 300 ಪವರ್ ಲಿಫ್ಟರ್ ಗಳ ಸೆಣಸಾಟಕ್ಕೆ ಸಕಲ ಸಿದ್ದತೆ: ಸತೀಶ್ ಕುದ್ರೋಳಿ
