ನವದೆಹಲಿ: 75 ನೇ ಗಣರಾಜ್ಯೋತ್ಸವದ ಸಂಭ್ರಮದ ಹಿನ್ನಲೆಯಲ್ಲಿ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು 80 ಮಂದಿ ಯೋಧರಿಗೆ ಶೌರ್ಯ ಪ್ರಶಸ್ತಿ ಘೋಷಣೆ ಮಾಡಿದ್ದಾರೆ.ಈ ಪೈಕಿ 12 ಮಂದಿ ಸೈನಿಕರಿಗೆ ಮರಣೋತ್ತರ ಶೌರ್ಯ ಪ್ರಶಸ್ತಿ ಘೋಷಣೆ ಮಾಡಲಾಗಿದೆ. ರಾಷ್ಟ್ರಪತಿ ಭವನದಿಂದ ಶೌರ್ಯ ಪ್ರಶಸ್ತಿಗಳನ್ನು ನೀಡುವುದಾಗಿ ಘೋಷಿಸಿದ 80 ಮಂದಿ ಸೈನಿಕರಲ್ಲಿ ಆರು ಮಂದಿಗೆ ಕೀರ್ತಿ ಚಕ್ರ ಮತ್ತು 16 ಮಂದಿಗೆ ಶೌರ್ಯ ಚಕ್ರವನ್ನು ನೀಡಲಾಗಿದೆ. 53 ಸೈನಿಕರಿಗೆ ಸೇನಾ ಪದಕ ನೀಡಲಾಗುವುದು. ಒಬ್ಬ ಸೈನಿಕನಿಗೆ ನೌಕಾಪಡೆ ಪದಕ ಮತ್ತು 4 ವಾಯುಪಡೆ ಪದಕ ನೀಡಲಾಗುತ್ತದೆ ಎಂದು ಪ್ರಕಟಣೆ ತಿಳಿಸಿದೆ.
ಶೌರ್ಯ ಪ್ರಶಸ್ತಿಗಳ ಜತೆಗೆ, ರಾಷ್ಟ್ರಪತಿಗಳು ವಿಶಿಷ್ಟ ಸೇವಾ ಪದಕ ಮತ್ತು ಯುದ್ಧ ಪದಕವನ್ನು ಘೋಷಿಸಿದರು. ಇದರಲ್ಲಿ 311 ಹೆಸರುಗಳನ್ನು ಆಯ್ಕೆ ಮಾಡಲಾಗಿದೆ. ಇವರಲ್ಲಿ 31 ಮಂದಿ ಪರಮ ವಿಶಿಷ್ಟ ಸೇವಾ ಪದಕ, 4 ಮಂದಿ ಉತ್ತಮ ಯುದ್ಧ ಸೇವಾ ಪದಕ, 59 ಮಂದಿ ಶ್ರೇಷ್ಠ ಸೇವಾ ಪದಕ, 10 ಮಂದಿ ಯುದ್ಧ ಸೇವಾ ಪದಕಕ್ಕೆ ಆಯ್ಕೆ ಆಗಿದ್ದಾರೆ. ಇವುಗಳಲ್ಲಿ 38 ಸೇನಾ ಪದಕಗಳು, 10 ನೌಕಾಪಡೆಯ ಪದಕಗಳು ಮತ್ತು 14 ವಾಯುಪಡೆ ಪದಕಗಳನ್ನು ನೀಡಲಾಗುತ್ತದೆ. ಇದಲ್ಲದೆ, 130 ಹೆಸರುಗಳನ್ನು ವಿಶಿಷ್ಟ ಸೇವಾ ಪದಕಕ್ಕಾಗಿ ಘೋಷಣೆ ಮಾಡಲಾಗಿದೆ.
ಕೀರ್ತಿ ಚಕ್ರ ಪ್ರಶಸ್ತಿ ಪುರಸ್ಕೃತರು: ಈ ವರ್ಷ ಆರು ಮಂದಿ ಸೈನಿಕರಿಗೆ ಕೀರ್ತಿ ಚಕ್ರ ಪ್ರದಾನ ಮಾಡಲಾಗುವುದು. ಇವರಲ್ಲಿ ಮೊದಲನೇಯವರು ಮೇಜರ್ ದಿಗ್ವಿಜಯ್ ಸಿಂಗ್ ರಾವತ್, ಅವರು 21 ಬೆಟಾಲಿಯನ್ ಪ್ಯಾರಾಚೂಟ್ ರೆಜಿಮೆಂಟ್ (ವಿಶೇಷ ಪಡೆ) ನಿಂದ ಬಂದವರು.
ಸಿಖ್ ರೆಜಿಮೆಂಟ್‌ನ 4 ನೇ ಬೆಟಾಲಿಯನ್‌ನ ಮೇಜರ್ ದೀಪೇಂದ್ರ ವಿಕ್ರಮ್. ಆರ್ಮಿ ಮೆಡಿಕಲ್ ಕಾರ್ಪ್, ಪಂಜಾಬ್ ರೆಜಿಮೆಂಟ್‌ನ 26 ನೇ ಬೆಟಾಲಿಯನ್‌ನಲ್ಲಿ ನಿಯೋಜಿಸಲಾದ ಕ್ಯಾ. ಅಂಶುಮಾನ್ ಸಿಂಗ್ ಅವರ ಹೆಸರನ್ನು ಸಹ ಪಟ್ಟಿಯಲ್ಲಿ ಸೇರಿಸಲಾಗಿದೆ.
ಕೇಂದ್ರ ಸರ್ಕಾರವು ಅವರಿಗೆ ಮರಣೋತ್ತರವಾಗಿ ಈ ಪ್ರಶಸ್ತಿಯನ್ನು ನೀಡಿ ಗೌರವಿಸುತ್ತದೆ. ಇದಲ್ಲದೇ ಮೆಹರ್ ರೆಜಿಮೆಂಟ್ ನ 21 ನೇ ಬೆಟಾಲಿಯನ್ ನ ಪವನ್ ಕುಮಾರ್ ಯಾದವ್ ಕೂಡ ಕೀರ್ತಿ ಚಕ್ರ ಪ್ರಶಸ್ತಿ ಪಡೆಯಲಿದ್ದಾರೆ. ಪ್ಯಾರಾಚೂಟ್ ರೆಜಿಮೆಂಟ್ ನ ಹವಾಲ್ದಾರ್ ಅಬ್ದುಲ್ ಮಜೀದ್ ಅವರಿಗೆ ಮರಣೋತ್ತರವಾಗಿ ಕೀರ್ತಿ ಚಕ್ರ ಹಾಗೂ ರಾಷ್ಟ್ರೀಯ ರೈಫಲ್ಸ್ ನ 55 ಬೆಟಾಲಿಯನ್ ಸದಸ್ಯ ಪವನ್ ಕುಮಾರ್ ಅವರಿಗೆ ಮರಣೋತ್ತರವಾಗಿ ಕೀರ್ತಿ ಚಕ್ರ ಪ್ರದಾನ ಮಾಡಲಾಗುವುದು.
ಶೌರ್ಯಚಕ್ರ ಪ್ರಶಸ್ತಿ ಪುರಸ್ಕೃತರ ವಿವಿತ ಈ ಕೆಳಗಿನಂತಿದೆ; ಮೇಜರ್ ಮನೆವ್ ಫ್ರಾನ್ಸಿಸ್, 21 ನೇ ಬೆಟಾಲಿಯನ್, ಪ್ಯಾರಾಚೂಟ್ ರೆಜಿಮೆಂಟ್ (ವಿಶೇಷ ಪಡೆ), ಮೇಜರ್ ಅಮನದೀಪ್ ಝಾಕರ್, 4 ನೇ ಬೆಟಾಲಿಯನ್ ದಿ ಸಿಖ್ ರೆಜಿಮೆಂಟ್, ಕ್ಯಾಪ್ಟನ್ ಎಂವಿ ಪ್ರಾಂಜಲ್, 63 ಕಾರ್ಪ್ಸ್ ಆಫ್ ಸಿಗ್ನಲ್ಸ್, ರಾಷ್ಟ್ರೀಯ ರೈಫಲ್ಸ್ (ಮರಣೋತ್ತರ), ಕ್ಯಾಪ್ಟನ್ ಅಕ್ಷತ್ ಉಪಾಧ್ಯಾಯ, 20 ಬೆಟಾಲಿಯನ್, ಜಾಟ್ ರೆಜಿಮೆಂಟ್, ನಾಯಬ್ ಸುಬೇದಾರ್ ಸಂಜಯ್ ಕುಮಾರ್ ಭನ್ವರ್ ಸಿಂಗ್, 21 ಬೆಟಾಲಿಯನ್, ಮಹಾರ್ ರೆಜಿಮೆಂಟ್, ಹವಾಲ್ದಾರ್ ಸಂಜಯ್ ಕುಮಾರ್, ಅಸ್ಸಾಂ ರೈಫಲ್ಸ್ ಸೇನೆ, ರೈಫಲ್‌ಮ್ಯಾನ್ ಅಲೋಕ್ ರಾವ್, 18 ಅಸ್ಸಾಂ ರೈಫಲ್ಸ್ (ಮರಣೋತ್ತರ) ಸೇನೆ, ಶ್ರೀ ಪರಶೋತ್ತಮ್ ಕುಮಾರ್, 63ನೇ ಬೆಟಾಲಿಯನ್, ರಾಷ್ಟ್ರೀಯ ರೈಫಲ್ಸ್ ಸೇನೆ (ನಾಗರಿಕ), ಲೆಫ್ಟಿನೆಂಟ್ ಬಿಮಲ್ ರಂಜನ್ ಬೆಹೆರಾ, ನೌಕಾಪಡೆ, ವಿಂಗ್ ಕಮಾಂಡರ್ ಶೈಲೇಶ್ ಸಿಂಗ್, ಫ್ಲೈಯಿಂಗ್ (ಪೈಲಟ್) ಏರ್ ಫೋರ್ಸ್, ಫ್ಲೈಟ್ ಲೆಫ್ಟಿನೆಂಟ್ ಹೃಷಿಕೇಶ್ ಜಯನ್ ಕರುತದತ್, ಫ್ಲೈಯಿಂಗ್ (ಪೈಲಟ್) ಏರ್ ಫೋರ್ಸ್, ಬಿಭೋರ್ ಕುಮಾರ್ ಸಿಂಗ್, ಸಹಾಯಕ ಕಮಾಂಡೆಂಟ್, 205 ಕೋಬ್ರಾ ಸಿಆರ್ ಪಿಎಫ್, ಮೋಹನ್ ಲಾಲ್, ಉಪ ಪೊಲೀಸ್ ವರಿಷ್ಠಾಧಿಕಾರಿ, ಜಮ್ಮು ಮತ್ತು ಕಾಶ್ಮೀರ ಪೊಲೀಸ್, ಅಮಿತ್ ರೈನಾ, ಸಹಾಯಕ ಸಬ್ ಇನ್ಸ್‌ಪೆಕ್ಟರ್, ಜಮ್ಮು ಮತ್ತು ಕಾಶ್ಮೀರ ಪೊಲೀಸ್, ಫರೋಜ್ ಅಹ್ಮದ್ ದಾರ್, ಸಬ್-ಇನ್ಸ್‌ಪೆಕ್ಟರ್, ಜಮ್ಮು ಮತ್ತು ಕಾಶ್ಮೀರ ಪೊಲೀಸ್, ಕಾನ್ಸ್ಟೇಬಲ್ ವರುಣ್ ಸಿಂಗ್ ಜಮ್ಮು ಮತ್ತು ಕಾಶ್ಮೀರ ಪೊಲೀಸ್
