ನವದೆಹಲಿ: ರಾಷ್ಟ್ರಪಿತ ಮಹಾತ್ಮಾ ಗಾಂಧೀಜಿ ಅವರ ಮೊಮ್ಮಗ ಅರುಣ್ ಗಾಂಧಿ ಮಂಗಳವಾರ ಮಹಾರಾಷ್ಟ್ರದ ಕೊಲ್ಹಾಪುರದಲ್ಲಿ ನಿಧನರಾದರು.
ಅವರಿಗೆ 89 ವರ್ಷವಾಗಿದ್ದು ಅಲ್ಪಕಾಲದ ಅನಾರೋಗ್ಯದಿಂದ ಬಳಲುತ್ತಿದ್ದರು. ಅರುಣ್ ಗಾಂಧಿ ಅವರ ಪಾರ್ಥಿವ ಶರೀರದ ಅಂತ್ಯಕ್ರಿಯೆ ಕೊಲ್ಹಾಪುರದಲ್ಲಿ ಮಂಗಳವಾರ ನಡೆಯಿತು. ಪುತ್ರ ತುಷಾರ್ ಗಾಂಧಿ ಅಂತ್ಯಕ್ರಿಯೆ ನೆರವೇರಿಸಿದರು.
ಅರುಣ್ ಗಾಂಧಿ ಅವರು 1934ರ ಏಪ್ರಿಲ್ 14 ರಂದು ದರ್ಬಾನ್ ನಲ್ಲಿ ಮಣಿಲಾಲ್ ಗಾಂಧಿ ಹಾಗೂ ಸುಶೀಲಾ ಮಶ್ರುವಾಲಾ ದಂಪತಿಗೆ ಜನಿಸಿದರು. ಸಾಹಿತಿ ಹಾಗೂ ಸಾಮಾಜಿಕ– ರಾಜಕೀಯ ಹೋರಾಟಗಾರನಾಗಿ ಅರುಣ್ ಗಾಂಧಿ ಅವರು ಗಮನ ಸೆಳೆದಿದ್ದರು.
