ಕಾರವಾರ: ಹೊನ್ನಾವರದಿಂದ ಅಕ್ರಮವಾಗಿ ಮರಳು ಸಾಗಣೆ ಮಾಡುತ್ತಿದ್ದ 9 ಟಿಪ್ಪರ್ ಲಾರಿಗಳನ್ನು ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಅಧಿಕಾರಿಗಳು ಬುಧವಾರ ಸಿದ್ದಾಪುರ ತಾಲ್ಲೂಕು ನಾಣಿಕಟ್ಟಾ ಬಳಿ ವಶಕ್ಕೆ ಪಡೆದುಕೊಂಡಿದ್ದಾರೆ.
120 ಟನ್‍ನಷ್ಟು ಮರಳನ್ನು ಈ ವಾಹನಗಳ ಮೂಲಕ ಸಾಗಿಸಲಾಗುತ್ತಿತ್ತು. ಅವುಗಳನ್ನು ವಶಕ್ಕೆ ಪಡೆಯಲಾಗಿದೆ. ನಿಯಮ ಮೀರಿ ಸಾಗಾಟ ಮಾಡಿದ ಕಾರಣ ವಾಹನಗಳ ಮಾಲೀಕರಿಗೆ ರೂಪಾಯಿ 6 ಲಕ್ಷ ದಂಡ ಹಾಕಲಾಗಿದೆ ಎಂದು ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ಹಿರಿಯ ಭೂವಿಜ್ಞಾನಿ ಆಶಾ ತಿಳಿಸಿದ್ದಾರೆ.
