ಮುಂಡಗೋಡ: ಮಳಗಿ ಶ್ರೀ ಮಾರಿಕಾಂಬಾ ದೇವಿ ಜಾತ್ರೆ ಫೆ.28 ರಿಂದ ಮಾರ್ಚ್ 8 ರವರಿಗೆ ನಡೆಯಲಿದೆ. ಫೆ. 28 ಶ್ರೀ ಮಾರಿಕಾಂಬಾ ದೇವಿಯ ಜಾತ್ರಾ ಕಲ್ಯಾಣ ಪ್ರತಿಷ್ಠೆಯು ದೇವಸ್ಥಾನದ ಎದುರಿನ ಮಂಟಪದಲ್ಲಿ ನಡೆಯಲಿದ್ದು,ನಂತರದಲ್ಲಿ ರಾಜೋಪಚಾರಾದಿ ವಿನಿಯೋಗಗಳು ನಡೆಯಲಿವೆ.
ಮಾರ್ಚ್ 1 ರಂದು ಶ್ರೀ ದೇವಿಯ ರಥಾರೋಹಣ ಮೆರವಣಿಗೆ ಬೆಳಿಗ್ಗೆ 8.30 ರಿಂದ ಪ್ರಾರಂಭವಾಗಿ ಮಧ್ಯಾಹ್ನ 1-30 ರ ನಂತರ ಜಾತ್ರಾ ಸ್ಥಳದ ಪೀಠದಲ್ಲಿ ಸ್ಥಾಪನೆಯಾಗಲಿದೆ. ಮಾರ್ಚ್ 2 ರಿಂದ ಮಾರ್ಚ್ 7 ರವರೆಗೆ ಸೇವೆಗಳು ಪ್ರಾರಂಭವಾಗಲಿದ್ದು, ಹಣ್ಣು ಕಾಯಿ, ಹರಕೆ, ಕಾಣಿಕೆ, ತುಲಾಭಾರ, ವಗೈರೆ ಸೇವೆಗಳು ನಡೆಯಲಿದೆ. ಮಾರ್ಚ್ 8 ರಂದು ಬೆಳಿಗ್ಗೆ 8 ಗಂಟೆಯಿಂದ ಮಧ್ಯಾಹ್ನ 12 ಗಂಟೆಯವರೆಗೆ ಮಾತ್ರ ಹಣ್ಣು–ಕಾಯಿ ಸೇವೆ ನಡೆಯಲಿದ್ದು, ಹರಾಜು ಕಾರ್ಯಕ್ರಮವು ಮಧ್ಯಾಹ್ನ 2-30 ರಿಂದ ನಡೆಯಲಿದೆ.
ಜಾತ್ರಾ ಪೆಂಡಾಲ್‌ನಲ್ಲಿ ಪ್ರತಿ ದಿನ ರಾತ್ರಿ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿದ್ದು, ಶ್ರೀ ದೇವಿಯ ಪುನರ್‌ಪ್ರತಿಷ್ಠಾಪನೆ ಮಾರ್ಚ್ 22 ರಂದು ಯುಗಾದಿ ದಿನ ಬೆಳಿಗ್ಗೆ 10-30 ರಿಂದ ಪ್ರಾರಂಭವಾಗಲಿದೆ ಎಂದು ಸಮಿತಿ ತಿಳಿಸಿದೆ.
