ಹೊಸದಿಲ್ಲಿ: ಪ್ರೇಮಿಗಳ ದಿನಾಚರಣೆಗೆ ಇನ್ನೇನು ಕೆಲವೇ ದಿನಗಳಿವೆ ಎನ್ನುವಾಗಲೇ ಪ್ರಾಣಿ ಕಲ್ಯಾಣ ಮಂಡಳಿಯು ಹೊಸ ಪರಿಕಲ್ಪನೆಯೊಂದನ್ನು ಮಂದಿಟ್ಟಿದೆ. ಫೆ. 14 ರಂದು ದನಗಳನ್ನು ಆಲಂಗಿಸುವ ದಿನ (ಕೌ ಹಗ್ ಡೇ) ಎಂದು ಆಚರಿಸಲು ಕರೆ ನೀಡಿದೆ.
ಭಾರತೀಯ ಸಂಸ್ಕೃತಿ ಮತ್ತು ಗ್ರಾಮೀಣ ಆರ್ಥಿಕತೆಯಲ್ಲಿ ದನಗಳ ಮಹತ್ವವನ್ನು ತನ್ನ ‘ಮನವಿ‘ಯಲ್ಲಿ ತಿಳಿಸಿದ ಮಂಡಳಿ ಜನರಿಗೆ ಭಾವನಾತ್ಮಕ ಸಮೃದ್ಧತೆ ಮತ್ತು ಸಂತೋಷನ್ನು ತರಲು ‘ಕೌ ಹಗ್ ಡೇ‘ ಆಚರಿಸಲು ಬಯಸಿದ್ದಾಗಿ ಪ್ರಕಟಣೆಯಲ್ಲಿ ತಿಳಿಸಿದೆ.
ಮೀನುಗಾರಿಕಾ, ಪಶುಸಂಗೋಪನೆ ಮತ್ತು ಹೈನೋದ್ಯಮ ಸಚಿವಾಲಯ ಹಾಗೂ ಮಂಡಳಿ ಜಂಟಿಯಾಗಿ ಕೌ ಹಗ್ ಡೇ ಆಚರಿಸಲು ನಿರ್ಧರಿಸಿದೆ.
“ಎಲ್ಲಾ ಗೋ ಪ್ರೇಮಿಗಳು ಫೆ. 14 ರಂದು ಗೋಮಾತೆ ಮಹತ್ವವನ್ನು ಗಮನದಲ್ಲಿರಿಸಿ ಹಾಗೂ ಜೀವನದಲ್ಲಿ ಸಕಾರಾತ್ಮಕತೆ ಮತ್ತು ಸಂತೋಷಕ್ಕಾಗಿ ಕೌ ಹಗ್ ಡೇ ಆಗಿ ಆಚರಿಸಬೇಕು,” ಎಂದು ಮಂಡಳಿ ಹೇಳಿದೆ.
