ಕರಾವಳಿ ಡೈಲಿ ನ್ಯೂಸ್
ಈ ಆಸನವು ನಿಂತುಕೊಂಡು ದೇಹವನ್ನು ಶಿಸ್ತು ಬದ್ಧವಾಗಿ ಸ್ವಲ್ಪ ಹಿಂದಕ್ಕೆ ಬಾಗಿಸುವ ಭಂಗಿಯಾಗಿದೆ. ದೇಹವನ್ನು ಶಿಸ್ತು ಬದ್ಧವಾಗಿ ಹಿಂದಕ್ಕೆ ಬಾಗಿಸಿದಾಗ ಶ್ವಾಸಕೋಶದ ಭಾಗ ಎಳೆತಕ್ಕೆ ಒಳಗಾಗಿ ಹೆಚ್ಚಿನ ಪ್ರಮಾಣದಲ್ಲಿ ವಾಯು ಸಂಚಾರವಾಗುತ್ತದೆ.
ಅಭ್ಯಾಸ ಕ್ರಮ: ಪ್ರಪ್ರಥಮವಾಗಿ ತಾಡಾಸನದಲ್ಲಿ ನೆಲೆಸಬೇಕು. ನಂತರ ಸೊಂಟದ ಹಿಂಭಾಗಕ್ಕೆ ಎರಡು ಕೈಗಳನ್ನು ಜೋಡಿಸಬೇಕು. ನಂತರ ಉಸಿರನ್ನು ತೆಗೆದುಕೊಂಡು ಸೊಂಟದ ಮೇಲ್ಭಾಗದಿಂದ ಹಿಂದಕ್ಕೆ ಬಾಗಿಸಬೇಕು (ಮೊಣಕಾಲು ಬಾಗಿಸಬಾರದು). ಕುತ್ತಿಗೆ ಮತ್ತು ತಲೆಯನ್ನು ಸಡಿಲಿಸಬೇಕು. ಈ ಸ್ಥಿತಿಯಲ್ಲಿ 20 ಸೆಕುಂಡು ಸಾಮಾನ್ಯ ಉಸಿರಾಟದಲ್ಲಿ ನೆಲೆಸಬೇಕು. ಆಮೇಲೆ ಉಸಿರನ್ನು ಬಿಡುತ್ತಾ ನಿಧಾನವಾಗಿ ಸ್ಥಿತಿಗೆ ಬರಬೇಕು. 2 ನಿಮಿಷ ವಿಶ್ರಾಂತಿ. ಈ ಆಸನ 2 ಯಾ 3 ಬಾರಿ ಅಭ್ಯಾಸ ಮಾಡಬೇಕು.
ಉಪಯೋಗಗಳು : ಬೆನ್ನಿನ ಹುರಿಯ ಬಿಗಿತ ನಿವಾರಣೆಯಾಗುತ್ತದೆ. ತಲೆಯಲ್ಲಿ ರಕ್ತ ಪರಿಚಲನೆ ಚೆನ್ನಾಗಿ ಒದಗಿ ನರಮಂಡಲ ಸಚೇತನಗೊಳ್ಳುವುದು. ಎದೆಯ ಭಾಗಕ್ಕೆ ಮೃದುವಾದ ವ್ಯಾಯಾಮ ದೊರಕುತ್ತದೆ. ಅಸ್ತಮಾ ಸಮಸ್ಯೆ ನಿವಾರಣೆಯಾಗಲು, ಥೈರಾಯಿಡ್ ಗ್ರಂಥಿಯ ಆರೋಗ್ಯಕ್ಕೆ ಈ ಆಸನ ಉಪಯುಕ್ತವಾಗುವುದು.
ಗಮನಿಸಿ: ತೀವ್ರ ಕುತ್ತಿಗೆ ನೋವು ಇದ್ದವರು ಅಭ್ಯಾಸ ನಡೆಸುವುದು ಬೇಡ. ಕೆಲವರಿಗೆ ಹಿಂದಕ್ಕೆ ಭಾಗುವಾಗ ತಲೆತಿರುಗಿದ ಅನುಭವವಾಗುತ್ತದೆ. ಅಭ್ಯಾಸದ ಮೂಲಕ ಸರಿ ಹೋಗುತ್ತದೆ.